ભારત ૫મી સૌથી મોટી અર્થવ્યવસ્થા બન્યો : ગરીબી રેખામાં જીવતા લોકોની સંખ્યામાં ઘટાડો’ રાષ્ટ્રપતિ મુર્મુ
New Delhi, તા.૧૪
દેશના ૭૮મા સ્વતંત્રતા દિવસની પૂર્વ સંધ્યાએ, રાષ્ટ્રપતિ દ્રૌપદી મુર્મુએ કહ્યું કે, અમે એવી પરંપરાનો એક ભાગ છીએ જે સ્વાતંત્ર્ય સેનાનીઓના સપના અને ભાવિ પેઢીઓની આકાંક્ષાઓને જોડે છે. જે આવનારા વર્ષોમાં આપણા રાષ્ટ્રને તેની સંપૂર્ણ ભવ્યતામાં પુનઃસ્થાપિત કરશે. રાષ્ટ્રપતિએ કહ્યું કે ય્-૨૦ પછી ભારતે ગ્લોબલ સાઉથ દ્વારા તેની ભૂમિકા વધુ મજબૂત કરી છે.
રાષ્ટ્રને પોતાના સંબોધનમાં રાષ્ટ્રપતિ મુર્મુએ કહ્યું, “હું તમને બધાને સ્વતંત્રતા દિવસની ખૂબ ખૂબ શુભેચ્છા પાઠવું છું. મને એ જોઈને ખૂબ આનંદ થાય છે કે તમામ દેશવાસીઓ ૭૮માં સ્વતંત્રતા દિવસની ઉજવણીની તૈયારી કરી રહ્યા છે. “સ્વતંત્રતા દિવસના અવસર પર લહેરાતો ત્રિરંગો જોવો – પછી તે લાલ કિલ્લા પર હોય, રાજ્યોના પાટનગરમાં હોય કે આપણી આસપાસ હોય – આપણા હૃદયને ઉત્સાહથી ભરી દે છે.” તેમણે કહ્યું કે જેમ આપણે આપણા પરિવાર સાથે જુદા જુદા તહેવારો ઉજવીએ છીએ, તેવી જ રીતે આપણે આપણા સ્વતંત્રતા દિવસ અને પ્રજાસત્તાક દિવસને આપણા પરિવાર સાથે ઉજવીએ છીએ, જેના સભ્યો આપણા બધા દેશવાસીઓ છે.
મુર્મુએ કહ્યું કે, આપણે એવી પરંપરાનો એક ભાગ છીએ, જે સ્વાતંત્ર્ય સેનાનીઓના સપના અને ભાવિ પેઢીઓની આકાંક્ષાઓને જોડે છે. જે આવનારા વર્ષોમાં આપણો દેશ ફરીથી તેની સંપૂર્ણ ભવ્યતા મેળવતો જોશે. બિરસા મુંડાની ૧૫૦મી જન્મજયંતિ પર રાષ્ટ્રપતિએ કહ્યું કે અમે ભગવાન બિરસા મુંડાની જન્મજયંતિને આદિવાસી ગૌરવ દિવસ તરીકે ઉજવવાનું શરૂ કર્યું છે. આવતા વર્ષે તેમની ૧૫૦મી જન્મજયંતિની ઉજવણી રાષ્ટ્રીય પુનરુજ્જીવનમાં તેમના યોગદાનને વધુ ઊંડો સન્માન કરવાનો પ્રસંગ હશે.
વિભાજન વિભીષિકા સ્મૃતિ દિવસ પર રાષ્ટ્રપતિએ કહ્યું, “આજે ૧૪ ઓગસ્ટે દેશ વિભાજન વિભીષિકા સ્મૃતિ દિવસની ઉજવણી કરી રહ્યો છે. ભાગલાની ભયાનકતાને યાદ કરવાનો દિવસ છે. જ્યારે આપણા મહાન દેશનું વિભાજન થયું ત્યારે લાખો લોકોને સ્થળાંતર કરવાની ફરજ પડી હતી. લાખો લોકોએ જીવ ગુમાવ્યા. “આપણે સ્વતંત્રતા દિવસની ઉજવણી કરીએ તેના એક દિવસ પહેલા, અમે તે અભૂતપૂર્વ માનવ દુર્ઘટનાને યાદ કરીએ છીએ અને જે પરિવારો તૂટી ગયા હતા તેમની સાથે એકતામાં ઊભા છીએ.”
દેશની આર્થિક પ્રગતિનો ઉલ્લેખ કરતા રાષ્ટ્રપતિએ કહ્યું કે ભારત ૨૦૨૧ અને ૨૦૨૪ વચ્ચે ૮ ટકાનો સરેરાશ વાર્ષિક વૃદ્ધિ દર હાંસલ કરીને સૌથી ઝડપથી વિકસતી મોટી અર્થવ્યવસ્થાઓમાં સામેલ છે. તેનાથી દેશવાસીઓના હાથમાં માત્ર વધુ પૈસા આવવાની સાથેસાથે ગરીબી રેખા નીચે જીવતા લોકોની સંખ્યામાં પણ ઘટાડો થયો છે.
તેમણે વધુમાં જણાવ્યું હતું કે આપણા બધા માટે ગર્વની વાત છે કે ભારત વિશ્વની પાંચમી સૌથી મોટી અર્થવ્યવસ્થા બની ગયું છે અને અમે ટૂંક સમયમાં જ વિશ્વની ટોચની ત્રણ અર્થવ્યવસ્થાઓમાં સ્થાન મેળવવા માટે તૈયાર છીએ. ખેડૂતો અને કામદારોની અથાક મહેનત, નીતિ ઘડનારાઓ અને ઉદ્યોગ સાહસિકોની દૂરગામી વિચારસરણી અને દેશના દૂરંદેશી નેતૃત્વના બળ પર જ આ સફળતા મળી છે.
ખેડૂતોના યોગદાનનો ઉલ્લેખ કરતાં રાષ્ટ્રપતિએ કહ્યું, “આપણા અન્નદાતા ખેડૂતોએ અપેક્ષા કરતાં વધુ સારું કૃષિ ઉત્પાદન સુનિશ્ચિત કર્યું છે. આમ કરીને, તેઓએ ભારતને કૃષિ ક્ષેત્રે આત્મનિર્ભર બનાવવામાં અને આપણા દેશવાસીઓને પૂરતો ખોરાક આપવામાં અમૂલ્ય યોગદાન આપ્યું છે.”
ગ્લોબલ સાઉથમાં ભારતની મોટી ભૂમિકા પર, મુર્મુએ કહ્યું કે ના પ્રમુખપદની સફળતાપૂર્વક પૂર્ણ થયા પછી, ભારતે ગ્લોબલ સાઉથને અવાજની અભિવ્યક્તિ આપતા દેશ તરીકે તેની ભૂમિકાને મજબૂત બનાવી છે. ભારત તેની પ્રભાવશાળી સ્થિતિનો ઉપયોગ વૈશ્વિક શાંતિ અને સમૃદ્ધિને વિસ્તારવા માટે કરવા માંગે છે. તેમણે કહ્યું કે સરકાર દ્વારા મહિલાઓને કેન્દ્રમાં રાખીને ઘણી વિશેષ યોજનાઓ પણ લાગુ કરવામાં આવી છે. નારી શક્તિ વંદન કાયદાનો ઉદ્દેશ્ય મહિલાઓના વાસ્તવિક સશક્તિકરણની ખાતરી કરવાનો છે.
ની જગ્યાએ જી લાગુ કરવા અંગે રાષ્ટ્રપતિ મુર્મુએ કહ્યું કે આ વર્ષે જુલાઈથી ભારતીય ન્યાયિક સંહિતાના અમલીકરણમાં આપણે સંસ્થાનવાદી યુગના અન્ય અવશેષોને ખતમ કરી દીધા છે. નવા મ્દ્ગજી કોડનો હેતુ ગુનાનો ભોગ બનેલાઓને સજા આપવાને બદલે ન્યાય આપવાનો છે. હું આ પરિવર્તનને સ્વાતંત્ર્ય સેનાનીઓને શ્રદ્ધાંજલિ તરીકે જોઉં છું.
યુવાનોને રોજગાર આપવાનો ઉલ્લેખ કરતા રાષ્ટ્રપતિ મુર્મુએ કહ્યું કે રોજગાર અને કૌશલ્ય માટેની પ્રધાનમંત્રીની પાંચ યોજનાઓ દ્વારા પાંચ વર્ષમાં ૪.૧૦ કરોડ યુવાનોને લાભ થશે. સરકારની નવી પહેલ હેઠળ પાંચ વર્ષમાં એક કરોડ યુવાનો અગ્રણી કંપનીઓમાં ઇન્ટર્નશિપ કરશે. આ તમામ પગલાં વિકસિત ભારતના નિર્માણમાં મૂળભૂત યોગદાન આપશે.