Uttar Pradesh,તા.09
ગાઝિયાબાદ કાનપુર ગ્રીન ફીલ્ડ હાઈવે પર શુક્રવારે સવારે મોટી દુર્ઘટના ઘટી. ત્યાં ઊભેલી ટ્રકમાં મિની ટ્રક ઘૂસી ગયુ. આ ઘટનામાં ચાર લોકોના મોત નીપજ્યા જ્યારે એક વ્યક્તિ ગંભીર ઈજાગ્રસ્ત છે.
ગુરસહાયગંજ વિસ્તારના જુનેદપુર ગામની પાસે શુક્રવારે સવારે લગભગ સાત વાગે દિલ્હીથી કાનપુર તરફ જઈ રહેલા ડ્રાઈવરે સર્વિસ રોડ પર પોતાની ટ્રક ઊભી કરી દીધી. તે બાદ તે કેબિનમાં જ સૂઈ ગયો. બાદમાં પાછળથી આવી રહેલું મિની ટ્રક ઊભેલા ટ્રકમાં ઘૂસી ગયુ. જેના કારણે મિની ટ્રકમાં સવાર ચાર લોકોના મોત નીપજ્યા અને એક યુવક ઈજાગ્રસ્ત થઈ ગયો.
ટ્રકનું ડીઝલ ખતમ થઈ ગયુ હતું
ટ્રક ડ્રાઈવર શુક્રવારે ગુરુસહાયગંજ વિસ્તારના મઝપુરવા અંતર્ગત જુનેદપુર કટ પાસે સવારે લગભગ 6 વાગે પંજાબથી લેધર લઈને કોલકાતા જઈ રહ્યો હતો. ટ્રકમાં ગાડી માલિક સુખવંત સિંહનો ભત્રીજો બયંત સિંહ પણ સવાર હતો. કટ પર કંટેનરમાં ડીઝલ પૂરુ થઈ જવાના કારણે ડ્રાઈવર જગદીશ સિંહ ગાડીને સર્વિસ રોડ પર ઊભી કરીને રસ્તે આવતાં-જતાં લોકો પાસેથી પેટ્રોલ પંપોની જાણકારી મેળવી રહ્યો હતો. આ દરમિયાન પાછળથી ફુલ સ્પીડે આવતાં ડીસીએમના ડ્રાઈવરને ઝોકું આવવાના કારણે કંટેનરમાં ઘૂસી ગયુ.
ઘટનાની માહિતી મળતાં પોલીસ ઘટના સ્થળે પહોંચી અને ત્યારબાદ ગ્રામજનો અને હાઈવે કર્મચારીઓની મદદથી ક્રેન દ્વારા ડીસીએમની કેબિનમાં ફસાયેલા લોકોને બહાર કાઢીને જિલ્લા હોસ્પિટલ મોકલ્યા.