Mumbai,તા,12
બિઝનેસ કરવાની સરળતાને પ્રોત્સાહન આપવા માટે મૂડી બજાર નિયામક તંત્ર સિક્યુરિટીઝ એન્ડ એક્સચેન્જ બોર્ડ ઓફ ઈન્ડિયા (સેબી)એ કેશ કોલેટરલ થકી ફંડિંગ કરવામાં આવતી સિક્યુરિટીઝને માર્જિન ટ્રેડિંગ ફેસેલિટી (એમટીએફ) માટે જાળવવાના માર્જિન તરીકે ગણવાને મંજૂરી આપી છે.
આ નિર્ણય માર્જિન ટ્રેડિંગ સુવિધા માટે જાળવવાના રહેતાં માર્જિન માટે વધારાના કોલેટરલના બોજને હળવો કરવામાં મદદ કરશે. સેબીને ઈન્ડસ્ટ્રી સ્ટાન્ડર્ડ ફોરમ (આઈએસએફ) દ્વારા માર્જિન ટ્રેડિંગ સુવિધા સંબંધિત આવશ્યકતાને હળવી કરવા બજારના સહભાગીઓ તરફથી રજૂઆત થયા બાદ સેબીએ આ ફેરફાર કર્યો છે.
સેબીએ એક સર્કયુલર થકી જણાવ્યું છે કે, ઈક્વિટી એક્સચેન્જ ટ્રેડેડ ફંડ (ઈટીએફ)ના શેરો અથવા યુનિટ્સ બ્રોકર્સ પાસે કોલેટરલ તરીકે જમા કરવામાં આવ્યા હોય અને જે માર્જિન ટ્રેડીંગના ઉપયોગ માટે ખરીદવામાં આવ્યા હોય એને અલગ રાખવા ફરજિયાત રહેશે. ફંડિંગની રકમની ગણતરી માટે આ બન્ને પ્રકારનું મિશ્રણ થવું જોઈશે નહીં.
જો બ્રોકરે માર્જિન ટ્રેડિંગની સવલત મેળવવા માટે કલાયન્ટ પાસેથી માર્જિન તરીકે કેશ કોલેટરલ એકત્ર કર્યો હોય અને ટ્રેડિંગ મેમ્બરે ક્લિયરીંગ કોર્પોરેશન (સીસી)ને ઉક્ત ક્લાયન્ટના સેટલમેન્ટની જવાબદારી માટે કેશ કોલેટરલ આપ્યું હોય તો તે જ માર્જિનની જાળવણી તરીકે ગણવામાં આવશે, એમ સેબીએ જણાવ્યું છે.
જો બ્રોકર ક્લાયન્ટ પાસેથી કેશ કોલેટરલ એક્ત્રિત કરે છે અને તેનો ઉપયોગ ક્લિયરીંગ કોર્પોરેશન સાથે સેટલમેન્ટની જવાબદારીઓને પૂર્ણ કરવા માટે કરે છે. તો ક્લિયરિંગ કોર્પોરેશનમાંથી પ્રાપ્ત પરિણામી સિક્યુરિટીઝને માર્જિન જાળવણી તરીકે ગણવામાં આવી શકશે. આ સિક્યુરિટીઝ બ્રોકરની તરફેણમાં ગીરવે મૂકેલી હોવી જોઈએ.
સેબીએ વધુ જણાવ્યું છે કે, જો ક્લાયન્ટ દ્વારા પૂરા પાડવમાં આવેલ કેશ કોલેટરલના આધારે ફંડેડ સ્ટોક્સનો ઉપયોગ મેઈન્ટનન્સ માર્જિન તરીકે કરવામાં આવે છે, તો ફંડેડ સ્ટોક્કસ ગુ્રપ વન સિક્યુરિટીઝમાંથી હોવા જોઈએ.
આ સ્ટોક્સ માટે માર્જિન વેલ્યુ એટ રિસ્ક (વીએઆર) વત્તા એક્સ્ટ્રીમ લોસ માર્જિન કરતાં પાંચ ગણુ હશે, પછી ભલે તે ફયુચર્સ એન્ડ ઓપ્શન્સ (એફ એન્ડ ઓ) સેગ્મેન્ટમાં ઉપલબ્ધ હોય. વધુમાં નિયામક તંત્ર સેબીએ ટ્રેડિંગ મેમ્બરોને ટી પ્લસ વન સાંજે ૬:૦૦ વાગ્યા સુધીમાં એમટીએફ હેઠળ પોતાના એક્પોઝરની જાણ કરવા જણાવ્યું છે.