ફરિયાદમાં ટીએમસી સાંસદ મહુઆ મોઇત્રાએ જી SEBIના પ્રમુખ પર ભ્રષ્ટાચાર અને હેરાફેરીનો આરોપ મૂક્યો
Kolkata,તા.૧૩
TMC સાંસદ મહુઆ મોઇત્રાએ આજે શુક્રવારે SEBIના પ્રમુખ માધબી પુરી બુચ અને તેમના પતિ વિરુદ્ધ લોકપાલમાં ફરિયાદ દાખલ કરી છે. ફરિયાદમાં તેમના પર ભ્રષ્ટાચાર અને હેરાફેરીનો આરોપ મૂકવામાં આવ્યો છે. મહુઆ મોઇત્રાએ ઠ પર પોસ્ટ કરીને લખ્યું કે, “પુરી-બુચ વિરુદ્ધ મારી લોકપાલ ફરિયાદ ઈલેક્ટ્રોનિક અને ભૌતિક સ્વરૂપમાં દાખલ કરવામાં આવી છે. લોકપાલે તેને પ્રાથમિક તપાસ માટે CBI/ED ને મોકલવી પડશે અને પછી ૩૦ દિવસમાં સંપૂર્ણ હ્લૈંઇ તપાસ કરવી પડશે. મહુઆ મોઇત્રાએ X પર પોસ્ટ કર્યું, આમાં સામેલ દરેક એન્ટિટીને બોલાવવાની અને દરેક લિંકની તપાસ કરવાની જરૂર છે.” ત્રણ પાનાના પત્રમાં મોઇત્રાએ કહ્યું કે, “આ મુદ્દો રાષ્ટ્રીય હિત અને કરોડો રોકાણકારોના હિત સાથે જોડાયેલો હોવાથી આ મામલાની તપાસ થવી જોઈએ.” યુએસ શોર્ટ-સેલર હિંડનબર્ગ રિસર્ચે ઓગસ્ટમાં આરોપ મૂક્યો હતો કે, તેને શંકા છે કે અદાણી ગ્રૂપ સામે કાર્યવાહી કરવામાં SEBIની અનિચ્છા તે માટે હોઈ શકે છે કારણ કે તેના ચીફ માધવી પુરી બુચ પાસે ગ્રૂપ સાથે જોડાયેલા ઓફશોર ફંડ્સમાં હિસ્સેદારી છે, SEBI પ્રમુખે આરોપને “પાયાવિહોણા” ગણાવ્યો હતો. જ્યારે અદાણી ગ્રુપે જણાવ્યું કે, બૂચ સાથે તેમનો ક્યારેય કોઈ વ્યવસાયિક સંબંધ નથી. હિંડનબર્ગે આરોપ મૂક્યો હતો કે, બૂચ અને તેના પતિએ બર્મુડા અને મોરેશિયસમાં અસ્પષ્ટ ઓફશોર ફંડોમાં અઘોષિત રોકાણ કર્યું હતું, જેનો ઉપયોગ ગ્રુપના ચેરમેન ગૌતમ અદાણીના મોટા ભાઈ વિનોદ અદાણીએ ફંડોને રાઉન્ડ ટ્રીપ કરવા અને સ્ટોકની કિંમતો વધારવા માટે કર્યો હતો. જ્યારે ટીએમસીએ અગાઉ માંગ કરી હતી કે, સેબી પ્રમુખને સસ્પેન્ડ કરવામાં આવે.