Ranchi,તા.૧
છત્તીસગઢ ઇકોનોમિક ઓફેન્સ વિંગે કોર્ટમાં દાખલ કરાયેલી ચાર્જશીટમાં દાવો કર્યો હતો કે મહાદેવ સટા એપ હજુ પણ કામ કરી રહી છે. ચાર્જશીટમાં એમ પણ કહેવામાં આવ્યું છે કે મહાદેવ બુક એપના માલિકોને પોલીસ, વહીવટી અધિકારીઓ અને અનેક પ્રભાવશાળી રાજકીય હસ્તીઓનું રક્ષણ હતું. તેમના પ્રભાવનો ઉપયોગ કરીને, તેઓએ ગેરકાયદેસર સટ્ટાબાજીને લગતી પ્રવૃત્તિઓ ચાલુ રાખી અને કાનૂની કાર્યવાહી ટાળી. ૧૯ જુલાઈના રોજ દાખલ કરાયેલ ચાર્જશીટમાં, ર્ઈંઉ એ એવો પણ દાવો કર્યો હતો કે ૨૦૨૦ માં લોકડાઉનથી, પ્રમોટર્સે ગેરકાયદેસર ઓનલાઈન સટ્ટાબાજીથી દર મહિને આશરે ૪૫૦ કરોડ રૂપિયાની કમાણી કરી હતી.
ઇઓડબ્લ્યુએ ૩ માર્ચ, ૨૦૨૪ ના રોજ ભ્રષ્ટાચાર નિવારણ અધિનિયમ, છત્તીસગઢ જુગાર (પ્રતિબંધ) અધિનિયમ અને જાહેર જુગાર અધિનિયમની વિવિધ કલમો હેઠળ કેસ નોંધ્યો હતો. કોઈપણ નેતાનું નામ લીધા વિના,ઇઓડબ્લ્યુએ ચાર્જશીટમાં જણાવ્યું હતું કે, ‘ગેરકાયદેસર નાણાં એકત્ર કરવા અને વહેંચવાનું કામ હવાલા ઓપરેટરો દ્વારા કરવામાં આવી રહ્યું હતું અને પોલીસ-વહીવટી અધિકારીઓ પ્રોટેક્શન મનીના વિતરણમાં સામેલ હતા.’ચાર્જશીટમાં કહેવામાં આવ્યું છે કે પોલીસ અધિકારીઓ અને કર્મચારીઓને હવાલા ઓપરેટરો દ્વારા પ્રોટેક્શન મની આપવામાં આવી હતી. તે પ્રભાવશાળી રાજકીય હસ્તીઓ સુધી પણ પહોંચ્યો હતો. ઈઓડબ્લ્યુઓએ કહ્યું, ‘ઘણા પોલીસ, વહીવટી અધિકારીઓ અને પ્રભાવશાળી નેતાઓએ તેમના હોદ્દાનો દુરુપયોગ કર્યો અને ગેરકાયદેસર નાણાં અને સંપત્તિ મેળવી.’
ઈઓડબ્લ્યુ વતી, મહાદેવ બુક એપના પ્રમોટરો – રવિ ઉપ્પલ, શુભમ સોની, સૌરભ ચંદ્રાકર અને અનિલ કુમાર અગ્રવાલ સામે લાઈવ ગેમ્સ દ્વારા ગેરકાયદેસર સટ્ટાબાજીના આરોપો દાખલ કરવામાં આવ્યા છે. તપાસ એજન્સીનું કહેવું છે કે ઓફલાઈન સટ્ટાબાજીની જગ્યાએ તેઓએ ઓનલાઈન પ્લેટફોર્મ બનાવ્યું હતું. વોટ્સએપ, ફેસબુક, ટેલિગ્રામ અને અન્ય વેબસાઈટની પણ મદદ લેવામાં આવી રહી હતી. તપાસમાં જાણવા મળ્યું કે મહાદેવ બુક વાસ્તવમાં વિવિધ વેબસાઈટની સાથે ગેરકાયદે સટ્ટાબાજીની ઓફર કરતું પ્લેટફોર્મ છે. ચાર્જશીટમાં જણાવવામાં આવ્યું છે કે આ ડિજિટલ પ્લેટફોર્મ લોકોને પોકર, કાર્ડ ગેમ્સ, ચાન્સ ગેમ્સ, ક્રિકેટ, બેડમિન્ટન, ટેનિસ, ફૂટબોલ જેવી રમતો પર સટ્ટો લગાવવાની મંજૂરી આપે છે. તેમાં વર્ચ્યુઅલ ક્રિકેટ અને ચૂંટણી પરિણામો પર સટ્ટાબાજીની પણ સુવિધા છે. મહાદેવ બુક ઉપરાંત તેના પ્રમોટર્સે રેડ્ડી અન્ના અને ફેર પ્લે જેવા ઓનલાઈન સટ્ટાબાજીના પ્લેટફોર્મ પણ બનાવ્યા હતા. હાલમાં સમગ્ર વિશ્વમાં મહાદેવ બુક એપની ૩૫૦૦-૪૦૦૦ પેનલ/શાખાઓ છે.