તાજેતરની વાતચીત દરમિયાન, અભિનેત્રીએ તેના પતિ સાથે ફરીથી સ્ક્રીન પર કામ કરવાના પ્રોજેક્ટ વિશે વાત કરી
Mumbai, તા.૨૦
કરીના કપૂરે હાલમાં જ સૈફ અલી ખાન સાથે ફિલ્મ કરવા વિશે માહિતી આપી છે. તેણીએ એ પણ જાહેર કર્યું કે તેના સન્માનમાં આયોજિત ફિલ્મ ફેસ્ટિવલમાં તેના પતિ કઈ ફિલ્મો જોવા માટે સૌથી વધુ ઉત્સાહિત છે.કરીના કપૂર અને સૈફ અલી ખાન બોલિવૂડના ફેવરિટ કપલ્સમાંથી એક છે. આ કપલ માત્ર તેમના અંગત જીવન માટે જ નહીં પરંતુ તેમની પ્રોફેશનલ લાઈફ માટે પણ ચર્ચામાં રહે છે. બંનેએ કુર્બાન, ઓમકારા, ટશન જેવી ફિલ્મોમાં સાથે કામ કર્યું છે. કરીના અને સૈફે છેલ્લે ૨૦૧૨ની ફિલ્મ ‘એજન્ટ વિનોદ’માં સાથે કામ કર્યું હતું. આ વાતને ૧૨ વર્ષથી વધુ સમય થઈ ગયો છે. આવી સ્થિતિમાં બંને સ્ટાર્સના ફેન્સ તેમની ઓનસ્ક્રીન જોડીને મિસ કરી રહ્યા છે. જો કે હવે લોકોની આ રાહનો અંત આવવાનો છે. તાજેતરની વાતચીત દરમિયાન, અભિનેત્રીએ તેના પતિ સાથે ફરીથી સ્ક્રીન પર કામ કરવાના પ્રોજેક્ટ વિશે વાત કરી. કરીના કપૂરે ૧૮ સપ્ટેમ્બરે એક પ્રેસ ઈવેન્ટમાં હાજરી આપી હતી. ઈવેન્ટમાં અભિનેત્રીએ સૈફ સાથે કામ કરવા વિશે કહ્યું હતું કે, “અલબત્ત અમે ફરીથી સાથે કામ કરવા માટે ખૂબ જ ઉત્સાહિત છીએ અને મને આશા છે કે અમને કેટલાક સારા પ્રોજેક્ટ મળશે.” કરીનાએ કહ્યું કે હાલમાં તે સૈફની તેલુગુ ડેબ્યૂ ફિલ્મ દેવરાઃ પાર્ટ ૧ની આતુરતાથી રાહ જોઈ રહી છે. આ ફિલ્મ ૨૭ સપ્ટેમ્બરના રોજ રીલિઝ થઈ રહી છે. સૈફ અલી ખાન આ ફિલ્મમાં ખતરનાક વિલન બનીને રહી ગયો છે. હાલમાં જ કરીના કપૂરની ફિલ્મ ‘ધ બકિંગહામ મર્ડર્સ’ રિલીઝ થઈ છે. આ ફિલ્મ ૧૩ સપ્ટેમ્બરે સિનેમાઘરોમાં રિલીઝ થઈ હતી. જો કે આ ફિલ્મને લોકો તરફથી બહુ રિસ્પોન્સ નથી મળી રહ્યો. ફિલ્મની કમાણીમાં સતત ઘટાડો થઈ રહ્યો છે. તેનું નિર્દેશન હંસલ મહેતાએ કર્યું છે. આ ફિલ્મમાં કરીનાએ બ્રિટિશ-ભારતીય જાસૂસ અને માતાની ભૂમિકા ભજવી હતી. વર્ક ળન્ટની વાત કરીએ તો કરીના અજય દેવગનની સિંઘમ અગેઇનમાં જોવા મળશે. આ ફિલ્મ દિવાળી ૨૦૨૪ એટલે કે ૧લી નવેમ્બરે રિલીઝ થવા જઈ રહી છે. આ ફિલ્મની ટક્કર કાર્તિક આર્યનની ‘ભૂલ ભુલૈયા ૩’ સાથે થશે. કરીનાએ સિનેમામાં ૨૫ વર્ષ પૂરા કર્યા છે. આવી સ્થિતિમાં, અભિનેત્રીના સન્માનમાં, પીવીઆર સિનેમાએ તેમના નામે એક ફિલ્મ ફેસ્ટિવલનું આયોજન કર્યું છે. ફેસ્ટિવલ વિશે વાત કરતાં કરીનાએ કહ્યું કે સૈફ તેના વિશે જાણીને ખૂબ જ ખુશ છે. તેણે એ પણ જણાવ્યું કે તેના પતિ ફિલ્મ ફેસ્ટિવલમાં કઈ ફિલ્મો જોવા માટે ઉત્સાહિત છે.