ચંકી પાંડે તેની ઉત્તમ કોમેડી માટે જાણીતો છે, તેમનો ડાયલોગ આઈ એમ જોકિંગ ખૂબ વાયરલ થયો હતો
Mumbai, તા.૨૫
ચંકી પાંડેએ પોતાના ડાન્સિંગ અને પરફેક્ટ કોમિક ટાઈમિંગથી ચાહકોના દિલમાં જગ્યા બનાવી છે. ચંકી પાંડે આજે ઈન્ડસ્ટ્રીનું મોટું નામ છે. તેમની પુત્રી અનન્યા પાંડેએ ઈન્ડસ્ટ્રીમાં પોતાનું સ્થાન બનાવ્યું છે. પરંતુ ચંકી માટે આ નામ અને ખ્યાતિ મેળવવી એટલી સરળ ન હતી. આ માટે તેણે ઘણી મહેનત કરી હતી. ચંકીએ પાર્ટ ટાઈમ જોબ પણ કરી હતી. ચંકી પાંડેએ એક ઈન્ટરવ્યુમાં કહ્યું હતું – મારા સંઘર્ષના દિવસો ઘણા અલગ હતા. તે સમયે કાસ્ટિંગ ડિરેક્ટર્સ અને ડિજિટલ મીડિયા નહોતા. તેથી નિર્માતાઓને મળવા માટે અમારે લાંબી કતારોમાં ઉભા રહેવું પડ્યું. અમે તેમની સામે ડાન્સ કરતા અને લોકપ્રિય ફિલ્મોના દ્રશ્યો ભજવતા. આ સિવાય ચંકીએ જણાવ્યું કે તેણે સંઘર્ષના દિવસોમાં બીજા પણ ઘણા કામ કર્યા. ચંકીએ કહ્યું- તે સરળ નહોતું, પણ મજા આવી. એ મારા સંઘર્ષના દિવસો હતા. હું પાર્ટ ટાઇમ કાર ડીલર હતો. તેથી મને તે કાર ચલાવવાનો મોકો મળ્યો. હું રોજ નવી કારમાં બેસીને પ્રોડ્યુસરની ઓફિસ જતો. વર્ક ફ્રન્ટની વાત કરીએ તો ચંકી છેલ્લે ૨૦૨૨માં ફિલ્મ સરદારમાં જોવા મળ્યો હતો. આ એક તમિલ ફિલ્મ હતી. ૨૦૨૨ પછી તે કોઈ ફિલ્મમાં જોવા મળ્યો નથી. તેણે લાંબા સમયથી હિન્દી ફિલ્મોમાં પણ કામ કર્યું નથી. હવે ૨૦૨૬માં તે આંખ મિચોલીમાં જોવા મળશે. દરમિયાન, તે વેબ સિરીઝ પોપ કૌન? માં જોવા મળ્યા હતા. ચંકી પાંડેએ તેઝાબ, ખતરોં કે ખિલાડી, મિટ્ટી ઔર સોના, ઘર કા ચિરાગ, ઝખ્મ, કોહરામ, ખિલાફ, ભૂત બંગલા, યે હૈ મુંબઈ મેરી જાન, અપના સપના મની મની, હાઉસફુલ, રેડી, ક્યા સુપરકૂલ હૈ હમ જેવી ફિલ્મો કરી છે.